Asteasuko Udalaren asmoa izan da, "taldeak aurten izan dituen lorpenak goraipatzea eta animoak luzatzea". TAKeko kideei agurra dantzatu zitzaien udaletxe atarian eta gero Pili Legarra alkateak hitz batzuk luzatu zizkien arraunlariei. Oran arteko lana eta lorpenak goraipatu, eskerrak eman eta aurrerantzean euren babesa izango dutela ere gogorarazi zien Legarrak.
Amaia Agirre bertsolariak bertso batzuk abestuz amaitu zen ekitaldia. Taldeak lortu duen banderetako bat udaletxeko balkoian zintzilikatu zuten eta bertan egongo da astebetez.