Itxialdiak iraun artean bikote harremana banaka bizi behar izan dute Haritz Mujika bertsolari asteasuarrak eta bere bikoteak, mugaren alde banatan zeudelako. Horren harira, Posdata bertso sorta idatzi zuen Mujikak, izatez bikotearentzat eskutitza izango zatekeena. Bikoteari bidaltzeko denborarik ez zion eman azkenean, eta helbidea aldatu eta Zarautzera bidali zuen, Basarri sarira aurkezteko. Epaileei sorta gustatu eta lehen saria eman diote asteasuarrari. Atzoko bertso saio berezian jarri zion txapela Irune Urbieta Kultura zinegotziak, eta jendaurrean abestu zituen bertso jarriak. Bigarren saria ere Mujikak berak eskuratu zuen izatez, baina lehiaketaren arauen arabera pertsona berak bi sari jaso ezin dituenez, eman gabe geratu zen bigarren saria. Dena den, bi sarien aitortza egin izana eskertu zuen bertsolariak.
XXXVI. Basarri Bertsopaper Sariko txapela jantzi zuen atzo Haritz Mujika bertsolari asteasuarrak. Motxianek antolatutako bertso saio berezia borobiltzeko, 'Posdata' sorta irabazlea abestu zuen Lege Zaharren enparantzan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!