Asteasuko Sanpedroak 2020

Egun bakarreko festa izango da Asteasuko sanpedroetan

Egun bakarrarekin konformatuko dira Asteasun, eta Leaburun ez da festarik egingo.

Astelehena da San Pedro eguna, eta herriko festen katea martxan jarrita Asteasun eta Leaburun San Pedro festak ospatzeko irrikaz egongo ziren. Gauzak, ordea, asko aldatu dira. Leaburun ez ospatzea erabaki dute, herriko festak bertan behera utziz, eta horixe egingo dute Abaltzisketako Larraitz auzoan ere.

Aldiz, Asteasuko Udalak, moldaketa egin du eta egun bakarrean izango dituzte ospakizunak. San Pedro eguna izango da festa eguna, baina segurtasun neurri guztiak bete beharko dituzte herritarrek. Egoera bereziaren aurrean, ikuskizun guztiak herriko plazan egingo dituzte. Jendeak eserita egon beharko du bertan jarriko diren aulkietan, distantziak mantenduz. 

SAN PEDRO EGUNA

EKAINAK 29, ASTELEHENA

10:00. Txistularien Diana.

11:00. Hodei magoaren ikuskizuna.

12:00-13:30. Herriko musikarien emanaldia, trikitilariak eta txistulariak.

13:30. Herri Kirolak. Ugaitz Mugerza eta Julen Alberdi Txikia aizkolariak; eta, Aimar Irigoien, Mikel Lopetegi Urra eta Udane Ostolaza harri-jasotzaileak.

17:00. Meliora taldea.

19:00. Bertso Saioa. Maialen Lujanbio, Amets Arzallus, Alaia Martin eta Haritz Mujika. Gai jartzailea: Amaia Agirre.

 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!