Txorien begietatik nola eta zer ikus ote litekeen ikasten aritu dira, 40 bat gazte, Asteasun. Dron ikastaroa zuten, Gabonetako jardueren zerrendan, eta interesez erantzun diote teknologia berrietan trebatzeari.
Tamaina txikiko dronekin hasi dira, eta irakasleek arrisku eta prebentzio neurriei buruzko azalpenak eman dizkiete, lehenengo. Gero, betaurreko edo bisore berezi batzuen bitartez, norbere dronaren hegaldia jarraitzen trebatu dira, eta, azkenik, dron txikiak martxan jartzen saiatu.
Arratsaldean, profesionalek erakustaldiak eskainiko dituzte, pilotalekuan bertan.