'Bizi dantza!' emanaldi berria aurkeztuko dute Asteasun

Pirritx, Porrotx eta Marimototsek Usarrabi kiroldegian, azaroaren 10ean 17:00etan eskainiko dute lan berria. Sarrerak aurrez salgai daude Asteasun, Villabonan eta baita Interneten ere.

Bizi dantza! emanaldia ikusteko sarrerak 7 euroan erosi ahal izango dira, Asteasuko Mattin eta Villabonako Basajaun liburu dendetan. Interneten ere eskuratu ahal izango dira sarrerak. 

Pirritx, Porrotx eta Marimototsek honako hau adierazi dute Asteasun aurkeztuko duten emanaldi berriaz: "Lurra sortu zen unetik bertatik, jirabiraka dantzari hasi zen bere buruaren eta eguzkiaren inguruan. Animaliak ere sortu ziren unetik bertatik, dantzari dabiltza lurraren inguruan. Geu ere hitzaren jabe izan aurretik dantzatzen gara, zaldiak, izurdeak eta tximeletak bezala. Pozak eta tristurak azaltzeko dantzatzen gara. Barruak agintzen digunean dantzatzen gara. Gure kultura ospatu eta errituak berritzeko. Garen hori mugimenduan jartzeko. Zangoak luzatuz, gerria mugituz, hegoak astinduz eta ur azpian ere dantzatzen gara gu. Zatoz gurekin dantzara, atera zure barruko animalia plazara!"

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!