Jendez gainezka egon da gaur Asteasu, eta ez da izan gutxiagorako. Artisauek postu ugari jarri dituzte plazan eta bertan erre dute txekorra ere. Frontoia ere postuz beteta egon da eta jendeak ikusteko ez ezik, erosteko ere aprobetxatu du. Ondoko belardian ere egon da zertaz gozatua. Izan ere, bertan jarri dituzte hainbat animalia.
12:00etan, arroz esne lehiaketako sari banaketa egin dute. Ordu erdi beranduago, berriz, esne behien erakustaldia egin dute. Arratsaldean ere gozatzen jarraitzeko aukera egongo da, besteak beste, 18:00etan Asteasuko trikitilariek eskainiko duten emanaldiarekin.