Ikusmina piztu du Bernardo Atxagak, Edinburgoko nazioarteko liburu azokan

Ataria 2019ko abu. 18a, 13:17

Euskal literaturaren itzulpengintza hizpide izan zuen idazle asteasuarrak, Margaret Jull Costa itzultzailearekin batera.

Edinburgon (Eskozia) ospatzen ari dira, egunotan, Edinburgoko nazioarteko liburu azoka (Edinburgh International Book Festival), eta euskal idazleek ere parte hartu dute, Etxepare Institutuaren bitartez. Horietako bat izan da Joxe Irazu asteasuarra, Bernardo Atxaga idazlea. Atzo eskaini zuen bere hitzaldia, Margaret Jull Costa itzultzailearekin batera, eta saioak jakin-min handia piztu zuela eman du jakitera, Twitter bidez, Irene Larraza Etxepare Institutuko zuzendari tolosarrak. 

Euskal literaturaren itzulpengintza ardatz hartuta jardun zuten, eta Atxagaren Nevadako egunak liburuari jarri zioten fokua.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!