Asteasuko Santamañan jai egun handia

Gaur, uztailak 18, Santa Marina eguna ospatu dute Asteasuko Goiballarako bizilagunek; Bertako gazteek herri kirol saioa egin dute eguerdian eta arratsaldean kalejiran abiatuko dira trikitilariekin

Aurreko asteburuan orientazio proba eta krosa ospatu ostean, gaur goizean, txupinazoarekin abiatu dituzte Santamañako festak. Asteasuko jai batzordeak, Goiballarako bizilagunek eta Santamaña elkarteak antolatu dute egitaraua.

Auzoko gazteak elkarrekin lehian aritu dira eguerdian herri kirol proba ezberdinetan: harri jasotzen, trontzan, txinga eramaten, lokotx biltzen eta sokatiran. Jexux Mari Irazu eta Anjel Mari Peñagarikano bertsolariek girotu dute saioa.

Trikitiarekin Izer, Alabier eta Lutxurdio aritu dira eta haiek abiatuko dute kalejira arratsaldean. Larunbata eta igandean segituko du festak Santamañan.

UZTAILAK 20, LARUNBATA

12:00. Haurrentzako tailerrak
14:00. Herri-bazkaria
Ostolaza eta ezkerra trikitilariak
18:00. Zezen txikiak
Gauean. Ostolaza eta Ezkerra trikitilariak

UZTAILAK 21, IGANDEA

11:30. Meza Nagusia
Ondoren. Herri-kirolak
Aizkoran: Aratz Mugertza eta Julen Kañamares
Harri-jasotzen: Aimar Irigoien
Ondoren trikitilariak: Laja II eta Lutxurdio
18:00. Erakustaldia
Herriko Harri Tira taldea eta Astoa
Afalaurretik. Tranpazuloen jaitsiera
Gauean. Laja II eta Lutxurdio trikitilariak

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!