Santamañako festen barruan, kros igoera izan dute gaur. Asteasuko plazatik abiatu dira 107 korrikalari Santamañako helmuga gurutzatzeko asmoarekin. Horietatik 47 asteasuarrak eta 22 emakumezkoak eta 85 gizonezkoak izan dira.
Iaz bezala, Aitor Regillaga izan da azkarrena gizonezkoen artean, 28:13ko denborarekin. Bere atzetik sailkatu da Raul Gomez 28:21ekin eta 28:36 behar izan ditu hirugarren sailkatu den Zizurkilgo Haritz Garinek. Emakumezkoei dagokienez, Izaro Rubio ordiziarra sailkatu da lehen postuan, 34:24ko denbora eginez. Bigarrena izan da Lourdes Colomo zizurkildarra 25:15eko denborarekin. Hirugarren izan den Gasteizko Maialen Loyok, berriz, 35:15 behar izan ditu. Lehen asteasuarrak Urko Arizeta eta Kristina Urbieta izan dira, 32:05eko eta 43:35eko denborak eginez, hurrenez hurren