Joxe Barriola asteasuarraren idi pareak irabazi zuen martxoaren lehen asteburuan jokatu zen Aiako XX. Kintopeko Idi Proba. Urrutia eta Telleria itzainek gidatuta, animaliek 58 plaza, 6 zinta eta 40 zentimetro egin zituzten.
Bigarren sailkatua Iñaki Lopategi izan zen, eta horren idiek 57 plaza, zinta bat eta 1,86 metro egin zituzten harriarekin. Hirugarren pareak, Iñaki Olidenenak, 50 plaza, 5 zinta eta 0,60 metro egin zituen.
Hiru egunez aritu ziren Aiako probalekuan saioak eginez, eta guztira zazpi idi parek parte hartu zuten Kintopeko txapelketan. Guztien artean izan ziren onenak Barriolaren idiak eta berak eraman zituen manta preziatuak.
Urrutia, Barriola eta Telleria, lortutako txapelekin eta mantekin. IBON ERRAZU
Joxe Barriolaren idiak bere saioan. IBON ERRAZU
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
