San Pedro jaiak Asteasun, ostegunetik igandera, ekainaren 27tik 30era ospatuko dira. Honenbestez, kuadrillen eguna, ostiralean, ekainaren 28an egingo da, San Pedro eguna larunbatez egokitzen delako aurten. Herri afaria, larunbat gauean egingo da, ekainaren 29an. Kontzertu nagusia larunbatean mantenduko da, eta gaueko autobus zerbitzu berezia eskaintzen jarraitzea da asmoa.
Festak antolatzeko erabaki asko daude hartzeko oraindik eta hurrengo bilera otsailaren 26an, asteartez, egingo da 19:30ean.