Duela lau hilabete iritsi zen Espainiako hautatzaile zela. Fitxaketa horren ondorioz Espainiako selekziotik kaleratua izan zen, Munduko Txapelketa hasteko egun bat falta zela.
Real Madrilek astelehenean jakinarazi zuen Lopetegirekin harremana moztu egiten zuela, «taldearen maila eta emaitzen arteko desproportzioa» medio. Real Madrilek ligan hamar partida jokatu ditu. Horietatik lau irabazi ditu, bi berdindu eta lau galdu. Sailkapen nagusian bederatzigarren postuan dago. Azken jardunaldian, Bartzelonaren aurka 5-1 galdu zuen. Txapeldunen ligan multzoko lehen postuan utzi du taldea Lopetegik.