Talde kohesioari eta konfiantza giroa sortzeari lehentasuna emanda, indarkeria matxistaren mitoak ezbaian jarriko dituzte, Arremanitz kooperatibako kideek azpimarratu dutenez. "Bi ordu inguruko saioa aurreikusten dugu, indarkeriaren gaira lehen hurbilpena egiteko. Indarkeriaren inguruan zabalduta dauden mitoak ezbaian jarriko ditugu, eta gizon eta emakumeok gai horrekiko izan ditzakegun bizipenei ere toki egingo diegu".
Saioetan garrantzia ematen dio Arremanitz kooperatibak epairik gabe elkar entzuteari, iritziak trukatzeari eta elkar aberasteari.
Udaletxean egingo dute bilera herriko gazteek, ostiralean, urriak 26, 19:00etatik aurrera.