Joan den asteburuan hasita, bihar amaituko dira Asteasuko Santamaña auzoko festak; herri bazkaria egin dute eguerdian.
Begiratoki edo gotorleku izateko sortutako muinoa dirudi Santamañak: bide estu eta bihurriak baino ez dira haraino iristen, eta eskualdeko nahiz eskualdeko mugaz gaindiko tontorrak ikus daitezke kaskotik. Bada, leku pribilegiatu horretan otordua egin dute, gaur, hainbat asteasuarrek, festak amaitzera doazela.
Joan den asteburuan igoera nahiz trikiti musika izan ziren nagusi eta, astegunez jaien egun handia ospatu eta gero, bihar amaituko dituzte festak, herri kirol hitzordu eta guzti.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
