San Pedroak amaitu eta berehala ekin diote Satamañakoak ospatzeari asteasuarrek. Goizean XVIII. Santamañako kros igoera egin dute 85 lagunek. Horietatik 25 ziren asteasuarrak, eta guztietatik 13 emakumek hartu dute parte igoeraan. Aurtengo edizioan lehena helmuga gurutzatzen Aitor Regillaga izan da 28:50eko denborarekin. Aurten ere ez da inor gai izan errekor berria jartzeko. 20 segundo beranduago helmugaratu da Aritz Garin, 29:10ean. Podiumean hirugarren postua iazko irabazlea izan zen Raul Gomezek eskuratu du, 29:17an helmugako marra gurutzatuta. Emakumeetan, berriz, Lourdes Colomo zizurkildarra izan da irabazlea 35:27ko denborarekin. Bigarren postuan iritsi da Aitziber Ibarbia, zizurkildarra hau ere, 38:38ko denboran. Hirugarren lekua Maialen Gurrutxagak eskuratu du 38:52ko denborarekin.
Eguzkiak gogor jotzen bazuen ere, 85 korrikalarik osatu dute Santamañara iristeko zazpi kilometroko ibilbidea. Plazatik abiatu, herrian bertan bi buelta eman eta azken bi kilometroak aldapa gora egin dituzte Santamañaraino.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!