Azken segundora arte ezin izan da jakin nork irabaziko zuen Gipuzkoako Sega Txapelketa. Jokin Etxeberriak saio osoa egin du aurretik, baina txartel gorria atera diote, 20 kiloko penalizazioa, eta sail kopuru berdinak ebakitzea lortu du Julen Gabirondok.
Epaileek egin beharreko kalkuluak egin arte ez du inork jakin irabazlea zein zen. Amasarrak 2811 kilo belar ebakita lortu du azkenean txapela, eta atzetik zuen Gabirondo 2752 kilo moztuta. Hirugarren postua lortu du Igor Esnaolak 2623 kilorekin, eta laugarren postuan amaitu du Andoni Goikoetxea gazteluarrak 2621 kilo moztuta.