Azken bost egunak jaietan ibili ondoren, iritsi zaie asteasuarrei datorren urtera arte festak agurtzeko garaia. 21:00etan sorginaren igoerarekin amaituko dituzte festak. Horren arretik, ordea, izan da zer ikusia laza inguruan. Arratsaldea hasteko, herriko gazteek herri kirolak egin dituzte bi taldetan banatuta. Guztira, 35 gazte inguruk hartu dute parte, eta erreleboak eginez osatu dituzte txandak. Lehen itzulia talde batek irabazi du, eta besteak bigarrena. Beraz, amaieran, sokatira saioa egin behar izan dute irabazle zein izan erabakitzeko. Horren ondoren, trikitia eta pandero eskolaren musika emanaldia eskaini dute gaztetxoenek herriko plazan.