Eguna hasteko prozesioa izan da herriko plazatik elizaraino. Ondoren, meza ospatu eta gero, elizako erlojua konpondu duten boluntarioei omenaldia egin die udalak. Behin oroigarria banatuta, dantzarien txanda izan da, eta eguzkipean ederki egin dute dantza elizako atarian.
Bitartean hamaiketakoa prestatu dute zimiterioan eta soka dantzakoek bukatu dutenean, ireki da jateko eta edateko aukera. Dantzarien saioa bukatzerakoan ere, elizako frontoian hasi dira Asteasuko pilota eskolako txapelketako finalak.