Goizeko haurren txupinazoaren ondoren, jaien hasiera ofiziala ospatu dute asteasuarrek. Elizako ordularia konpontzeko osatu den boluntario taldeak bota du txupinazoa.
Txupinazoa bota aurretik, sorgina jaitsi da udaletxera eta herritarrei zuzendu zaie, festak ondo pasatzeko esanez.
Ekitaldia hasi aurretik Arkupeko Pilota Txapelketa jokatu da eta bertan Xabier Urbietak irabazi dio bere anaia Joni, 2-0koarekin, 22-17 eta 22-15 eginez. Gizonezkoen Pala Txapelketan Juan Karlos Aiertza eta Yerai Otaegi bikoteak 30-23 irabazi dio Patxi Garmendia eta Joxe Mari Irazu bikoteari.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
