Duela ehun urte pilotari profesional izan ziren hainbat emakumeren historia eta ondarea jasotzen du Raketistak Lehen eta Orain kultur eta kirol elkarteak. Dibulgazio lan horren lehen urratsa izan zen iaz egindako argazki erakustea, Asteasun uztailean ikusgai izan zena.
Oraingoan urrats bat aurrera eman, eta dokumental bat egin dute. Emakumeen Nazioarteko egunaren ekintzen baitan. Dokumentalean agertzen da Miren Uzkudun Tapia (Asteasu, 1922) mundu mailako lehen emakume kirolari profesionaletako bat. Apretone baserrikoa, Asteasu ezizenarekin aritu zen lanean raketista moduan, hemezortzi urtez mundu osoan zehar. Besteak beste, Mexikon, Kuban, Bartzelonan edota Tenerifen aritu zen.
Hona hemen dokumentalaren aurrerapena: