Siemens Gameseak espedientea aurkeztuko zuela jakinarazi zuenetik langileek elkarrekin eraman dute "presio mediatiko eta sozialak· eta batez ere langileek mobilizazio eta burututako ekintzetan agertu duten "inplikazioak" ekarri du multinazionalaren erabakia sindikatuek esan dutenez.
Beraz, gaurtik aurrera, mobilizazio plangintza bertan behera utziko dute langileek eta enpresarekin batera, dauden beharrei nola erantzun aztertuko dute, baina ERE baten mehatxurik gabe. Sindikatuek nabarmendu dutenez, "etorkizuneko bermeen alde" borrokan jarraitu behar dute. Lehen neurri bezala konpromiso bat sinatu dute aktan: "kaleratzeak ekiditearren behean sinatzen dugunok konpromisoa hartzen dugu neurri ez traumatikoak optimizatzeko formulak topatzeko. Aldi berean, enplegua mantentzeko lanean elkarrekin jarraituko dugu".
Sindikatuek eskerrak eman dizkie langileei proposatutako ekintzei babes erabatekoa emateagatik. "Garaipen hau batasun sindikalaren emaitza da".