Asteasuko Siemens-Gamesako (Echesa) langileek bost eguneko greba hasi zuten astelehenean, bajan dagoen langile baten kaleratzea salatzeko. Enpresak Zamudion duen egoitza nagusira eraman dituzte gaur beren aldarrikapenak.
LAB eta ELA sindikatuek azaldu dutenez, enpresak langile bat kaleratu du bajan egoteagatik. Enpresa batzordeak dio onartezina dela "enpresak nahi bezala eta libreki langileak bidaltzeko aukera izatea". Era berean, "borrokatzea" garrantzitsua dela dio, "bai kaleratze honengatik eta baita lantegiko lanpostuak bermatzeko ere".
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
