Usarrabi kiroldegian 2017-2018 ikasturtean eskaintza zabala izango da:
- Sasoian: gorputza aktibatzeko eta sasoian jartzeko jarduerak hirugarren adinekoei zuzenduta.
- Gogotsu: intentsitate altuagoko jarduerak egin nahi izanez gero, aukera zabala dago.
- Orekatu: posizioaren kontrolaren bitartez, (yoga eta pilates), gorputz orekatu bat lortzeko aukera.
- Jolasean: haurrei eta gazteei bideratutako lehorreko jarduerak.
Abonu-sistema berria
Urteko bazkidetzak urte oso bateko iraupena izango du, abonua egiten den egunetik hasita. Horrez gain, kiroldegiko urteko bazkidetza eginez gero, uako igerilekuetako banakako bonuan %50eko deskontua aplikatuko da eta igerilekuko bazkidetza familiarra eginez gero, %25eko deskontua aplikatuko da kiroldegiko urteko bazkidetza duen kide bakoitzeko, gehienez %50eko deskontua aplikatuz. Beharrezkoa izango da, gainera, udako denboraldiak irauten duen bitartean kiroldegiko bazkidetza indarrean egotea.
Gainera, hainbat instalazioa erreserbatzea (frontoia, gimnasioa, ping-pong mahaiak) eta podologia eta masaje zerbitzua Usarrabi kiroldegitik kudeatzen segituko dute.
Informazio guztia eta izen emateak hemen eskuratu ahal izango dira.