Ataria irratiak zuzen-zuzenean eskainiko du Gipuzkoako Sega Txapelketaren finala. Gaur jokatuko da, 12:00etan, Asteasuko Bulando baserriko baserrian. Luxuzko esatariak izango ditugu saioan parte hartzen: Juan Manuel Erasun eta Alaitz Imaz.
Lehian izango dira Jokin Etxeberria Peñagarikano, Julen Gabirondo Izeta, Jesus Mari Ormaetxea Telletxea eta Iban Pardo Andres. Ordubetean, belar gehien mozten duenak irabaziko du txapelketa.
Beraz, Bulano baserrira gerturatu ezin baduzu, piztu Ataria irratia 107.6FMn edo sartu ataria.eus-en!
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?