Suziria entzutearekin batera egin du kanpandorretik eliz atarirainoko bidea Simon pertsonaiak. Bitartean bertan bildutako haurrentzat goxokiak banatu ditu. Ondoren, haur jolasak eta merienda izan dira.
Gaur dute Santa Krutz festen lehen eguna Asteasuko Elizmendi auzoan. Iluntzean Izer eta Alabier trikitilariak izango dira herrian eta herri afaria egingo dute erretore etxean. Zezen suzkoaren ondoren, erromeria izango da trikitilariekin goizaldera arte.
Bihar, meza ondorenean hamaiketakoa eta toka txapelketa izango dira eta arratsaldez berriz, herri kirolak eta buruhandiak. Laja eta Narbaizaren musikarekin amaituko dituzte aurtengo Santa Krutzak Asteasun.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
