Zuricheko espetxean dute preso Nekane Txapartegi asteasuarra Espainiak egin duen estradizio eskaerari Suitzak zer erantzungo zain. Espainiako poliziaren esku pasa zituen egunetan jasan zituen bortxaketa eta torturen frogak aurkeztu ditu Txapartegik eta asilo politikoa eskatu dio Suitzako estatuari.
Elkartasunezko ekimen ugari ari dira antolatzen egunotan bai Suitzan eta baita Asteasun ere. Biharko egunari begira hitzaldi sorta antolatu dute. Hona hemen egitaraua:
12:00. Nekane Txapartegiren egoera, hitzaldia Joseba Txapartegiren eskutik, udaletxeko ikus-entzunezko gelan. Eta baita pintxo beganoak eta Erein talde akustikoa izango dira.
16:00. Emakumea, immigrantea eta presoa, hitzaldia Katia Reimbergen eskutik, udaletxeko ikus-entzunezko gelan.
17:30. Emakumeak eta kartzela: eredu patriarkala aztergai, mahai ingurua. Oihana Etxebarrieta eta Elena Beloki Resak eskainia, udaletxeko ikus-entzunezko gelan.
19:30. Poteo musikatua.
Ondoren. Manifestakzioa.