Aiztondora eguna, 17:30ean hasiko da Xiba herri kirol jaialdia. Ondoren, 18:30ean ekitaldia izango da eta hori bukatuta, Haritz Mujika, Unai Mendizabal, Oihana Iguaran eta Jexux Mari Irazurekin bertsopoteoa.
Afaria Asteasuko frontoian egingo dute eta bertara joateko txartelak salgai dira Asteasuko Iturri-Ondo eta Patxinen, Adunako Uztartzan, Amasa-Villabonako Iratzarren eta Zizurkilgo Iriarte eta Egarrin. Afalostean, bertsolariak arituko dira eta ondoren Xabi Solano eta DZ Zigorrekin kontzertuaz gozatzeko aukera izango da.
Eguerdian, 12:30ean, ekitaldi instituzionala egingo da eta bailarako udalek dispertsio politikarekin amaitzeko testua babestuko dute bertan.