"Nekane Libre: Asilo politikoa orain, estradiziorik ez!" lelopean, elkarretaratzea egin dute Suitzako kontsulatuak Bilbon duen egoitzaren aurrean. Eskutitz bat entregatu dute kontsulatuan Txapartegiren asilo politikoa eskatzeko.
Bestalde, Txapartegiren aldeko argazkia atera zuten igandean, Zelatunen. Eguraldiak lagundu ez bazuen ere, hainbat lagunek egin zuten bat ekimenarekin.
Nekane Txapartegiren aldeko ekimenak ez dira amaitu, ordea Irailaren 24an, larunbata, manifestazioa egingo dute Bernan (Suitza). Autobusean izena emateko joseba.txapar@gmail.com helbidera idatzi behar da.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!