Goiz-goizetik sumatzen zen festa usaina Asteasun. Lehenengo meza nagusia ospatu dute eta herri kirol emanalda izan da jarraian. Harrijasotzaileak eta aizkolariak aurkitu duten itzal apurrean burutu dituzte lanak. Harria jasotzen Ostolaza eta Kortaben aritu dira eta Jokin Alkizalete eta Julen Alberdiri tokatu zaie gaurkoan aizkora hartu eta egurra moztea. Jendearen ohiu eta txalo artean egin dute erakustaldia. Jarraian, Laja eta Larrañagak alaitu dituzte inguruak trikiti soinuarekin.
Arratsaldean berriz, 700 kiloko harria mugitzen aritu dira norgehiagoka gazteak zaharren aurka. 57 zentimetrogatik gazteak izan dira garaile. Bi taldeek 54 buelta eman dituzte. Festa eguna behar bezala amaitzeko, Laja eta Larrañagaren soinua izan da entzungai.