Dantza emanaldiaren ondoren, Asteasuko pilota eskolako finalak jokatu dituzte aurrebenjaminek eta benjaminek. Aurrebenjaminetan, Iker Izagirrek eta Irai Calvok jokatu dute eta Izagirrek irabazi du 16-10. Benjaminetan, aldiz, Aimar Segurola gailendu zaio Manex Usabiagari, 16-9.
Asteazken arratsaldean jarraitu du festak Asteasun; 18:00etan, kalejira izan da herriko musikariekin, buruhandiekin eta Zizurkilgo erraldoiekin. 22:30ean, bertso saioa izan da Andoni Egaña, Amets Arzallus, Maialen Lujanbio eta Amaia Agirrerekin. Gai jartzailea Haritz Mujika asteasuarra izan da.