El Salvadorreko, Meanguera eskualdeko Segundo Montes komunitateko kideak izango dira larunbatean Asteasun eta bi harrera egingo dizkiete. Bata udaletxean eta bestea Asteasuko plazan. Gainera, Zizurkilgo udalerriak, Maiatza Saltsan ekimenaren barruan, katalanak gonbidatu ditu asteburuko ospakizunera.L
Larunbatean bazkalaurretik kalejira bat egino dute eta ondoren, Kataluniako Vidrieras herriko lagunek caldereta goxo bat prestatuko dute. Bazkarirako txartelak salgai daude, Asteasuko udaletxean, kultur etxean, Patxinen eta Iturri Ondon, 15 euroren truke.
Arratsaldean, jai giroak etenik izan ez dezan, Asteasuko musika eskolako haurrek erromeria eskainiko dute frontoian eta han dantza eginez bukaera emango diote ospakizunari.
Iaz kros herrikoia
2015ean, 200 lagun baino gehiagok parte hartu zuen Asteasun antolatutako kros herrikoian. Lortutako 1.300 euroak El Salvadorreko Segundo Montes komunitateko hainbat gazteri ikasketak ordaintzeko erabili ziren.
Asteasuko, Adunako, Zizurkilgo eta Amasa-Villabonako udalek hartuko dute parte larunbatean ospatuko den Senidetze Egunean.