Aurreko larunbatean, defentsa pertsonalaren inguruko tailerra egin zuten Asteasuko kiroldegian eta hurrengo ostiralean, hilak 8, hileroko dokumental proiekzioa egingo dute gaztetxean 18:30ean. Apirilaren 16an, 11:00etatik aurrera, sormen tailerra ere izango da Matxintxulon.
Apirilaren 23an egingo dute Asteasuko gaztetxearen urteurren festa. 10:00etan, Asanbladaren funtzionamendua eta botere harremanak dinamika parte hartzailea egingo dute eta 14:00etan eskoletan,, bazkaria izango da. Tiketak aurrez egongo dira salgai, Iturriondon eta Patxinen, 15 euroan. Arratsaldez, 18:00etan trikipoteoa eta jolas alternatiboak egingo dira eta 23:00etan kontzertuak gaztetxean, besteak beste, Arto bixar eta PornoX taldeekin.