Martxoaren 5ean, Yo no soy esa bakarrizketa saioa eskainiko du Idoia Sanchezek 19:00etan udaletxeko ikus-entzunezko gelan. Ondoren, afaria izango da Olentzo jatetxean 21:00etatik aurrera eta afalostean Son&DJ musika jartzaileekin dantzaldia izango da eta ondoren karaokea izango da. Opari baten zozketa egingo dute amaieran.
Martxoaren 8an, 19:00etan, Errealeko emakume jokalariak etorriko dira Asteasura. Kirol munduan izan duten esperietnziaren berri emango dute. 19:45ean Asteasuko emakume kirolariak dokumentala eskainiko dute udaletxeko ikus-entzunezko gelan. Bertako emakume, futbolari, pilotari eta korrikalarien azalpenak jasotzen dira bertan.