Pili Legarra alkateak herriko proiektuez hitz egin digu, herrian martxan duten ondo aparkatzeko partaidetza prozesuaz, laster aurkeztuko duten turismoarekin lotutako proiektuaz... hitz egin digu.
Haritz Mujika zinegotzi eta bertsolariak herriaren inguruko bertsoak kantatu dizkigu.
Juan Tapia soinujoleak Santa zezili egunerako antolatu dutenaz, edota Asteasuko musika eskolaz hitz egin digu.
Pello Errota eskolako gazteak ere gerturatu dira herriko plazara, eta bertan herritarrak ondo aparkatzearen inguruan sentsibilizatzeko mezuak idatzi dituzte. Ekimenaren berri eman digute gure mikrofonoetan.
Guraso elkarteko kide Ane Elola ere izan dugu gurekin, eta urtean zehar antolatze dituzte ekimenen inguruan hitz egin digu.
Iñaki Sorarrain baserritarrak euren ekoizpenaren inguruan hitz egin digu, Asteasu eta lehen sektoreaz, eta Londresera bertako azoketako egoera ikusteko egin berri duten bidaiaz, berak eta Tolosako udaleko, Jaurlaritzako eta Aldundiko hainbat kidek, hitz egin digu.
Kirolari asko eman dituen herria da Asteasu, eta horren adibide, gurean izan ditugu Jose Angel Sarasola gure herri kirol aditua eta harri jasotzaile izandakoa, Txomin Isunza ultra trailetako lasterkaria eta Isabel Dumall eskiatzaile eta lasterkaria.
Aiora Zulaika 'Pirrix' ere izan dugu gurean. Pirritx eta Porrotxek euren azken emanaldia, Amalur izenekoa aurkeztuko dute igandean asteasun, eta horren inguruan hitz egin digu.