Asteasuko Udalak azaldu duenez "lehentasunezko helburuen artean dauka ingurumena zaintzea" eta hori dela eta auzolanean Usarrabi erreka garbituko dute, ostiralean 16:00etatik aurrera.
Iaz ere egin zuten Erreka Eguna, uztailean, eta udalaren esanetan "oso arrakastatsua" izan zen. "Gurasoak seme-alabekin parte hartu zuten, eta gisa horretako ekintza batek berezkoak dituen ezaugarri guztiak bete zituen egunak: erreka garbitu zuten, auzolanean egin zuten, eta ingurumenaren zainketaren garrantziaz ohartarazi zuten, zentzu pedagogikoan. Zakar ugari atera zuten errekatik, eta udal brigadak lagundu behar izan zien dena jasotzen".