Hassan Ait Chaou eta Aitziber Ibarbia izan ziren Santamañako helmugara iristen lehenak, igandean. Goranzko krosaren XV. edizioa jokatu zen, eta guztira, 75 korrikalarik bukatu zuten ibilbidea.
Irteera Asteasuko plazan zen, eta herriari bi itzuli eman ondoren, Santamañako igoerari heldu zioten korrikalariek. Guztira 7 kilometroko ibilbidea egin behar izan zuten. Azken bi kilometroak, aipatu bezala, erabateko goranzko maldan.
Helmugara iristen lehena Hassan Ait Chaou billabonatarra izan zen, 28 minutu eta 16 segundoko denbora eginaz. Bigarrenari ia minutu bat atera zion Ait Chaouk. Paul Gomezen ondoren Eneko Garin iritsi zen. Herriko lehen korrikalaria, Pello Izagirre, laugarren postuan iritsi zen helmugara.
Emakumeei dagokienez, hiruk hartu zuten parte. Aitziber Ibarbia izan zen lehena. Sailkapen nagusian 17. postuan iritsi zen zizurkildarra. Olatz Unanue izan zen bigarrena, eta Marian Rosa hirugarrena.
Probako marka, gizonezkoetan 25:50ean dago, eta emakumezkoetan, 30:57an. Iban Sanchezek eta Elena Loyok jarri zituzten.
SAILKAPENA
Gizonezkoak
1. Hassan Ait Chaou 28:16’’
2. Raul Gomez 29:10’’
3. Eneko Garin 30:08’’
4. Pello Izagirre 30:34’’
5. Javier Rodriguez 31:38’’
6. Manu Unanue 31:42’’
7. Aritz Garin 31:50’’
8. Clemente Bravo 32:03’’
Emakumezkoak
1. Aitziber Ibarbia 35:03’’
2. Olatz Unanue 37:59’’
3. Marian Rosa 41:49’’