Gaur amaituko dira, Asteasun, aurtengo San Pedro jaiak. Asteburuko egitarau betearen ondoren, herriko jubilatu eta erretirodunen txanda izan da, eta bigarren gaztaroaren gerizpean elkartu dira, frontoiko itzaletan. Izeta II.a eta Aimar Irigoien harri jasotzaileak eta Jon Irazu eta Ugaitz Mugerza aizkolariak aritu dira bazkal aurretik. Mahaiak prestatu bitarte, berriz, Xapre eta Zaharra trikitilarien ardura izan da frontoia girotzea. Bazkari legearekin elkartu, eta musika izan dute arratsaldean.