"16 urte egiten dituzten kintoak sartzen ditugu urtetik urtera. Jende helduari nahiz gazteari ilusioa eragiten dio dantzak eta pozik etortzen gara" azaldu du Haritz Mujika gaur dantzari lanetan izan den zinegotziak.
Pili Legarra alkateak ere gazteen partehartzea nabarmendu du: "Poza ematen du gazteak dantzan ikusteak. Lotsagatik-edo batzuetan ez dira irteten baina animatu behar zaie, beraiek baitira etorkizuna".
Biharko egitaraua:
11:00 Meza. Ondoren Aitzondo Elkarteak herriko jubilatuei eskaintzen dien hamaiketakoa.
13:00 Herri kirolak: Harrijasotzaileak: Izeta II eta Aimar Irigoien. Aizkolariak: Jon Irazu eta Ugaitz Mugerza (II)
14:30 Jubilatuen bazkaria frontoian. Zapre eta Zaharra trikitilariak. Telleria eta Zeberio bertsolariak.
18:00 Musika jaialdia plazan. Asteasuko Trikitixa eta Pandero eskola.
Ondoren sorginaren igoera