Igor Esnaola da Gipuzkoako sega txapeldun berria. Finalean 13 kilo gutxiago zenbatu zizkioten, eta hasiera batean txapela Juanjoxe Lizaso asteasuarrari eman bazioten ere, Legorretakoari eman diote azkenik garaipena federazioak akatsa onartu ostean.
Segalariek bost egun dituzte helegiteren bat jartzeko. Helegiterik ez bada, zuzenean Esnaola izango litzateke garaile. Kontrakorik bada, ordea, prozesu guztia amaitu arte ezin izango da txapelduna nor den erabaki.
Bi segalariek berriro ikusiko dute elkar, uztailaren 31n, Aian jokatuko den Euskal Herriko txapelketako kanporaketan, nahiz eta ez duten elkarren aurka jokatuko. Bi multzotan banatuta daude segalariak, eta Lizaso eta Esnaola, talde horietako bakoitzeko buru dira.