Atzo goizean Tranpazuloren igoerarekin eman diete hasiera Santamañako jaiei. Meza nagusia izan zen jarraian, eta hamaiketakoaren ostean trikitilariek jarritako martxarekin dantzan ibili ziren bertaratu direnak. Bertsolariak izan ziren herritarren arteko herri kirol jaialdiari hasiera eman diotenak. Jende ugari bildu zen horiek ikustera, eta giro nikaina sortu zen. Ondoren, iltzearekin jarri zituzten lanean inguruan zeudenak.
Arratsaldean, elkartean bapo bazkaldu ostean, kalejira egingo zuten. Traktorearen gainean joan ziren bertsolariak, trikitilariak eta umeak. Bailara inguruko hainbat etxe bisitatuko zituzten eskean arituz. Gauean Izer, Narbaiza eta Lutxurdiorekin luzatu zen jaia.
Uztailak 19, larunbata
16:30. Haur jolasak.
18:00. Txotxongiloak.
Ondoren. Toka txapelketa.
21:00. Herri afaria.
Gauean. Astiasaran anaiak eta Leire trikitilariak.
Uztailak 20, igandea
11:30. Meza nagusia.
Ondoren. Herri kirolak: Olasagasti eta Irazu aizkolariak, eta Izagirre eta Lopetegi harri-jasotzaileak.
Ondoren. Trikitilariak: Laja eta Mikel.
18:00. Desapiyua: bi herritar talde eta Astigarragako neska taldea elkarren aurka.
Afalaurrean. Tranpazuloren jaitsiera.
Gauean. Laja eta Mikel trikitilariak.