Asteasun San Pedro festak ospatuko dituzte datorren asteburuan, baino asteburu honetan bertan motorrak berotzeko hainbat ekimen izango dituzte.
Gaur, 16:30ean, karta txapelketa egin dute ia osorik bete den pilotalekuan. Mus txapelketan 30 bikote heldu eta 16 urtetik beherakoen 5 bikote aritu dira lehian. Txitxonean, berriz, 15 lagun aritu dira. 
Bihar, 18:00etan, dantza emanaldia eskainiko dute Asteasu, Larraul eta Adunako dantza eskolatako dantzariek. Ondoren, Oinkari dantza taldearen emanaldia ere izango da. Asteburuko emanaldien ondoren atsedenalditxo bat izango dute, eta ostegunean pilota txapelketekin eta sorginaren jaitsierarekin ekingo diete berriro aurtengo San Pedro festei.