Asteartetik ostiralera bitarte, Asteasuko Gamesako langileek mobilizazioak egingo dituzte. Langile batzordetik adierazi dutenez, hilabeteak daramatzate enpresaren zuzendaritzarekin lan hitzarmenaren inguruan eztabaidatzen eta adostasunera iristen ez direnez, langileen gehiengoak mobilizazioetara
jotzea erabaki du.
Gamesa-Asteasuko langilea da Alberto Zabala eta Ataria irratian aritu zaigu hizketan. Goizez eta arratsaldez, egingo dituzte elkarretaratzeak lantegiaren aurrean, eta langile bakoitzak 4 orduko geldialdia egingo du horretarako. Lan hitzarmena blindatzea eskatzen dute langileek, eta antza enpresa ez dago ados puntu horrekin.
Bestetik, langileek azaldutakoaren arabera, enpresak irabaziak ditu, eta lan karga handia espero dute aurrera begira. Enpresaren asmoa langileen lan baldintzak bere horretan mantenduz lana areagotzea dela diote; horregatik, euren lan baldintzak eguneratzea exijitzen dute.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!