Tren batek pertsona bat harrapatu du gaur Anoetako tren-geltokian, 07:10 aldera. Gertaeraren ondorioz, Tolosa eta Villabona-Zizurkil arteko trenen joan-etorria eten dute, eta alderantzizko norabidean ere eragina izaten ari da.
Adifek jakinarazi duenez, tren batek pertsona bat harrapatu du gaur goizean Anoetako geltokian, eta ondorioz hil egin da. Ezbeharra ikertzen ari dira.
Gertaera dela eta, Tolosa eta Villabona-Zizurkil arteko tren-zerbitzua bertan behera geratu da tarte batean, eta Adifek errepide bidezko garraio-zerbitzua jarri du. 09:00ak aldera, tren-zerbitzua berriro martxan jarri dute bi norabideetan.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
