Gipuzkoako Herri Kirol Federazioak Azkartasuneko Sega Txapelketa egin du gaur Anoetan, Sarobe baserriaren zelaietan. Gizonezkoetan zein emakumezkoetan jokatu da txapelketa. Bi sail ebaki behar izan dituzte: emakumezkoek 50na metro koadroko bi sail ebaki behar izan dituzte, eta gizonezkoek, berriz, 100na metro koadroko beste bi sail.
Emakumezkoak
- Izadi Arrospide (Leaburu-Txarama) 4.18
- Inge Goikoetxea (Gaztelu) 5.31
- Lorea Zunzunegi (Gaztelu) 5.53
Hemezortzi urte ditu Gipuzkoako txapeldun geratu den leaburuarrak, eta bigarren eta hirugarren sailkatuak 17 eta 16 urtekoak dira, hurrenez hurren.
Gizonezkoak
- Julen Gabirondo (Urnieta) 4.12
- Mikel Lizartza (Tolosa) 4.32
- Oier Urkola (Anoeta) 4.45
- Jokin Etxeberria (Amasa-Bedaio) 4.53
- Kepa Otegi (Amasa) 4.55
- Amaiur Arrospide (Leaburu-Txarama) 5.09
- Eneko Bilbao (Zamudio) 9.46
Bizkaian ez dute Azkartasuneko sega txapelketarik egiten, eta horregatik, gonbidatu gisa parte hartu du Eneko Bilbao zamudioarrak. Azkeneko tokian sailkatu arren, berak jaso ditu penalizazio gutxien; bizkaitarrak ebaki ditu, beraz, sailak txukunen .