Gipuzkoako Herri Kirol Federazioak Azkartasuneko Sega Txapelketa antolatu du. Larunbatean egingo da, Anoetan, 18:00etan hasita. Gizonezkoetan zein emakumezkoetan jokatuko da txapelketa eta eskualdeko hainbat segalarik parte hartuko dute.
Emakumezkoetan Izadi Arrospide leaburuarrak, Inge Goikoetxea gazteluarrak eta Lorea Zunzunegi gazteluarrak parte hartuko dute. Gizonezkoetan Amaiur Arrospide leaburuarrak, Jokin Etxeberria Bedaion bizi den amasarrak, Mikel Lizartza tolosarrak, Oier Urkola anoetarrak, Kepa Otegi amasarrak eta Julen Gabirondok parte hartuko dute. Bizkaitik gonbidatuta Eneko Bilbaok parte hartuko du.