Ekainaren 5ean, herriko festen barruan, patata tortilla topaketa egingo dute plazan, 11:00etatik aurrera. Topaketa honetan LH1etik aurrerako herritarrek parte hartu dezakete, gehienez lau laguneko taldetan. Dastaketa herrikoi batekin bukatuko dute eguna.
LH1etik 6ra bitartekoek heldu baten laguntzarekin parte hartu beharko dute, eta DBH1etik aurrerakoek laguntzarik gabe. Partaideek osagaiak etxetik eraman beharko dituzte, eta surik ez duenak izen ematerakoan jakinarazi beharko du. Olioa, gatza, patatak, arrautzak eta tipula dira erabili beharreko osagaiak.
Maiatzaren 15era arte dago izen emateko aukera, Gaztelekuan, edo bestela, honako formularioa beteta.