Anoetako Gazte Asanbladak 27. urteurrena ospatzeko ekitaldiak abiatu zituen larunbatean. Gaztetxean, Pontx pailazoaren emanaldia egin zuten.
Urtemugarako Garai ilunetan, gazteok borrokan leloa erabiliko dute gazteek eta hemendik aurrera antolatu dituzten ekitaldietan parte hartzeko deia egin diete Anoetako gazteei.
Datorren asteburuan egingo dira hurrengo ekitaldiak: alde batetik, ostiralean, Stay firm eta Aingura taldeen kontzertuak izango dira gaztetxean; bestalde, larunbatean, 3x3 saskibaloi txapelketa egingo dute.
Gazte asanbladako kideek jakinarazi dutenez, maiatzaren 16an Urtemuga Eguna ospatuko dute.
Egitaraua
- Maiatzak 8. Kontzertuak: Stay firm eta Aingura
- Maiatzak 9. 3x3 basket txapelketa.
- Maiatzak 16. Urtemuga Eguna.