Madrilgo Discarlux enpresak Anoetan dagoen Cárnicas Goya erosi du. Discarluxek ohar baten bidez adierazi du Cárnicas Goyak ibilbide sendoa duela kalitate handiko behien hautaketan, eta erretegi ospetsuetan eta gourmet eskaintzan duen presentzia nabarmendu du.
Bi konpainiek modu independentean lan egiten jarraituko dute, eta beren markak, ekipoak eta ekoizpen-unitateak mantenduko dituzte. Gainera, Jose Antonio Goiak jarraituko du Cárnicas Goyaren buru, 60 urte baino gehiagoko ibilbidea duen enpresa honen familiaren ondarea mantenduz.