Dantzari txikiek hartu dute gaurkoan Anoeta. Izan ere, Dantzari Txiki Eguna ari dira ospatzen, euskal dantzen tradizioa eta jai giroa lau haizetara zabaltzeko, eta hala ariko dira arratsaldera arte. Hain justu, Anoetako Anit dantza taldearekin batera, Amets Bide eta Alurr dantza taldeek hartu dute parte, Euskal Herriko beste hainbat dantza taldeko haur eta gazteekin batera.
Goizean kalejira egin dute Anoetan zehar, eta herriko auzo, plaza eta txoko ezberdinetan hainbat parada egin dituzte talde bakoitzak dantza bat eskaintzeko. Eguerdian, ekitaldi nagusia egin dute herriko plazan eta talde guztiak elkarrekin egin dute dantzan.
Arratsaldean bertakoen txanda izango da. Alegia, Anoetako Anitz dantza taldeak emanaldia eskainiko du, 18:00etan, plazan.
