Basagain Burdin Aroko herrixkari buruzko hitzaldia eskaini zuen Xabier Peñalver arkeologoak joan den asteartean eta 23 lagun bertaratu ziren aurkezpenera.
Aranzadiko arkeologoa buru duen taldeak 31 urte daramatza indusketa lanak egiten Basagainen eta ugariak dira urteotan egin dituzten aurkikuntzak. Horien inguruko azalpenak ematearekin batera Skanak enpresak Burdin Aroko herrixkan zehar prestatu duen ibilbide birtuala ere aurkeztu zuten astearteko hitzorduan.
Hemendik aurrera ibilbidea Basagain.anoeta.eus helbidean izango da ikusgai eta Anoetako Udalaren webgunean, bestalde, azken ureotako indusketen memoriak irakurri daitezke.